(By Workcampers Jackie, Dor)
Workcampers一次過分享有關墨西哥海龜保育、住宿、食物、交通等貼士！
目錄：
一：海龜保育工作
首先介紹海龜義工的工作🐢 雖然墨西哥地理上唔屬於南美，但當地人完全秉承南美人的傳統--不規劃、講求即興😂😂！
基本上，今日先知明日做乜，或食緊早餐時、突然之後有job要你做， 全日的假期？
沒有的，基本上每日上午/下午都有工作、晚上休息，又可能隨時休息，總之每日standby、be ready anytime～
主要有6項工作：
1）Plant eggs：把從海灘收集來的海龜蛋放進孵化箱中🐢
2）**Clean nests：最最常做的工作--接生海龜B，把孵化箱中已孵化的龜B轉移到另一位置，等待放回大海（好得意㗎）🐢
3）Put baby turtles into sea water：放海龜B入海水，等佢地習慣下大海🐢
4）Release baby turtles：在沙灘上將海龜B放回大海🐢🌊
5）Clean beach：清潔海灘，撿拾大型塑膠垃圾🪣💪
6）Beach Patrol：原本晚上會巡邏海灘，尋找生蛋的海龜媽媽，因疫情取消了。但負責人安排了一晚讓我們在沙灘看海龜媽媽生蛋🐢
二：交通及安全
工作營主要的集合/活動地方點為： Hotel Penamar@Rincoń de Guayabito
工作營目的地無直航機，可以經台北/東京/洛杉磯飛墨西哥大城： 如Mexico City/Guadalajara/Cancun， 再轉内陸機飛Puerto Vallarta， 之後再轉的士、巴士，就可以到達集合點
(報名後當地會提供推薦的巴士公司及相關資訊、參加者可以於workcamp第一日任何時間到達都ok、只需要同當地講聲就ok)
如果想喺墨西哥其他城市玩，城市之間大家可以選擇坐內陸機，另一個選擇就係坐大巴
以下幾個巴士網站可以參考 ：
Vallarta Plus
Primera Plus (覆蓋範圍較大)
ENT Touristar
Futura bus
呢啲巴士嘅座位都好闊落，腳長嘅朋友都可以伸直隻腳，巴士上都有提供廁所，唯獨係Wi-Fi通常都唔work，提前網上預訂有優惠，同預先揀位，可以比較唔同巴士公司嘅時間，同上落地點 方唔方便你嘅行程
好多人都擔心墨西哥安全問題 ，電影入邊都係關於墨西哥毒品/毒梟 ，甚至話去🇲🇽旅行需要請導遊喺隔離保障安全
以我所知 ，墨西哥政府積極保障遊客安全，好多城市都會有警車，載着幾名揸槍嘅警員，佢哋會定時巡邏，感覺都幾密，夜晚出街行多人嘅地方就必須啦
我自己有自備防狼器，酒店係位於Guayabitos 基本上自己係街行冇咩問題，貴重物品當然唔好露眼，當地人都好有禮貌好熱情，連過馬路大多數司機都會讓你先，主要係佢哋唔識英文溝通會成為問題，但大部份人都好Nice~ 並唔係想像中咁危險，但都要有保護自己嘅意識
三、食物安排
講到食真係好興奮，唔知大家知唔知 ，團費係包酒店同三餐!!
三餐嘅時間係固定，遲咗就冇得食㗎啦~ 食物係由墨西哥Local family煮既 (佢哋識講英文㗎，可以入廚房同佢哋吹水) ，早餐有咖啡飲，每餐都會有果汁
佢地會按照參加者既口味，煮返我哋啱食嘅嘢，例如我嗰團有三位來自Italy 嘅義工，大廚會整Pizza同pasta，亦都會煮返墨西哥local食物，伙食方面是不用擔心的，會食到肥肥白白！
✨今期推薦✨【墨西哥工作營】 何處是龜鄉
海龜是其中一種瀕危絕種的海洋生物，
你也可以幫助他們回到大海，甚至見證小生命的誕生！
了解更多墨西哥工作營貼士、Excursion 有咩玩、工作營做咩
Comments