呢篇同其他網上教極光攝影最唔同地方係專為冰島SEEDS工作營而寫的。如果大家同我一樣去冰島workcamp嘅其中一個主要原因係去影極光嘅話，咁呢篇教學同體驗分享就應該幫到你分析點準備器材同期望。
目錄：
SEEDS冰島攝影營介紹
時間
北極光攝影行程安排喺Workcamp其中一晚，約2-3小時。其實你參加其他機構嘅追光團都係差唔多時間，因為正常極光出現及停留時間約5-40分鐘，好睇運氣。去到就要勁快手set好器材，把握時間影。建議冇影開夜景又想影靚相嘅朋友喺出發前可以先喺香港練習下先，到時就唔會手忙腳亂啦。
地點
Camp leaders會mon住極光報告app，喺合適嘅時間就會叫晒大家集合，之後揸車帶大家去個冇乜光害嘅地方影極光。我參加嗰團係喺尾二嗰晚去，因為前幾日天氣唔好。
攝影教學
因為未必個個參加者都識攝影，所以Workcamp期間會教大家基本攝影技巧，例如曝光三角、構圖、色調等等，大家如果想學更多，就主動問負責教攝影嘅camp leader啦。
Alex: 「參加者交流攝影心得與技術嘅過程有趣，更可以一齊傳遞保育自然的訊息。」
來自各地嘅參加者成長背景、生活經歷唔同，而審美觀都可能會唔同，喺交流中都會擦出唔少火花。如我嗰團嘅參加者有人構圖有出色、有人調色有型、有人P圖好掂，都學到好多嘢。 通過攝影大自然美景，促進自然保育推廣。當大家去post相上各自嘅社群媒體、同其他人分享時，都係傳遞咗「要欣賞大自然美景，就要保育自然」嘅隱藏訊息。
出發前，你要有的心理準備
期望管理好重要，睇唔睇到極光真係好睇運氣。有極光唔代表你去啱地方，去啱又唔代表天氣情況夠好。我去到第一日就開始落雪，之後個天一直都係多雲，唔適合睇極光，大家都好失望。點知去到到尾二嗰日，camp leader晚上六點幾突然叫大家快啲執好裝備，今晚九點會去影極光。最後都影到成個鐘，非常好彩。
Alex: 「提醒大家真係要做好心理準備，抱住睇到係bonus嘅，睇唔到係正常嘅心態。不過camp leaders都會好盡力幫大家睇天氣預報，希望大家會睇到。」
Travis: 「喺我出發之前好多人都問我係咪去冰島睇極光，但我係8月出發，係冰島嘅夏天，日照時間好長，見到極光嘅機會係好細。」
就係臨離開冰島嘅前兩晚，我哋12am先喺市區行返去，個陣個天已經黑晒，但望上個天到就好似見到有一層白色嘅霧咁，初頭我以為係銀河，但用星星apps對天好似唔係，最後我用iPhone嘅長曝光嚟影咗張相，OMGGGGGG，係綠色㗎。
個吓真係震撼咗自己一吓，感動到想喊，即刻跑返去拎晒相機腳架，去屋企前面嘅公園影相，最後就影到你見到嘅相喇。
要知道其實呢件事真係好amazing!!夏天本身已經好難見到極光，仲要我喺市區都見到，亦都變咗我喺冰島最難忘嘅回憶之一。
攝影器材分享
簡易清單
相機類型：可「全手動拍攝（M-mode）和支援手動對焦」、「支援低溫環境」嘅相機
鏡頭：光圈越大越好、越廣角越好
快門：慢快門，視乎極光強度
光圈：建議f1.4以上，越大越好，大光圈吸光多啲，可以易啲捕捉到微弱嘅極光
曝光：1.6s，要用腳架，曝光越長，ISO越要較低
設定：使用Raw檔格式會保存到更多data，影星空Raw檔嘅Size會大幾倍
腳架：推介碳纖腳架，防止結冰。要揀螺旋式腳架鎖定，用嘅時候會比較快同穩陣
電池：低溫環境下耗電快，帶備後備電池
私藏Tips
影相係一種收光活動，一嚟就去郊外四面無燈當然好，但唔喺郊外就完全要小心附近嘅其他光源，一收到其他光源就會好影響張相
夜間戶外空曠地方非常大風同凍，一定要夠暖（嗰時對手凍到差啲set唔到機）！
帶器材考慮點
1. 技術含量
你本身識唔識基本攝影技巧，如光圈快門關係，同埋對你自己嘅器材有幾熟悉。不過到時都有workshop教你，記得把握機會同其他workcampers交流下。
2. 天氣
我睇嗰個係得2級極光，仲要有啲雲，所以影出來一般。但極光爆得勁嗰陣，手機都影到。例如用iPhone 13 Pro夜晚對住個天影佢會自動開咗長曝光，hold住等佢影完就得，或者用live photo影完再較返長曝光時間，但影出嚟嘅質素當然無相機影出嚟咁靚啦。
3.價錢與需要
我特登買咗支廣角鏡，但其實冇乜機會用，大家可以諗清楚。我見好多人都係出發前借人用。
附上圖片及其設定值畀大家參考
左：8s f2.8 ISO3200｜右：13s f2.8 ISO1600
希望呢篇幫到大家決定做心態準備。祝大家參加極光團可以睇到極光！
你比較喜歡哪一張照片？
1
2
3
4
✨今期推薦✨【冰島冬季攝影營】📷
體驗大自然｜學習攝影😍｜遊歷冰島｜走進首都雷克雅未克✈️｜
組織自然攝影工作坊📷｜佳作將在SEEDS展覽展出😎｜
參觀當地環境教育基地🚧｜實踐環保項目🌳
加入義遊Discord，看看冰島Workcamper的真實分享！😍：
Comments